Дали Windows 10 e бесплатен? Да за легалните корисници, не за пиратите

Сите сме во исчекување на најновата верзија на оперативниот систем на Microsoft, Windows 10. Останува помалку од еден месец до официјалноти излегување на софтверот, но тоа што не заинтересира не се неговите функционалности, кои сигурно ќе го направат подобар од „осумката“, и можеби не од одличната „седмица“; туку фактот што Microsoft најави дека ќе го дели бесплатно, дури и за пиратите. Но, тоа сепак не е така едноставно.

Компанијата на кратко најави дека надградбата е бесплатна за Windows 7 и 8, но откако на почеток сите помислија дека надградбата е бесплатна и за пиратите и за сите останати корисниции, Microsoft мораше да објасни дека единствено сопствениците на легалната верзија на оперативниот систем ќе го добијат новиот ОС бесплатно.

Учесниците во Insider, односно бета тестерите на Windows 10, ќе добијат можност да ја надградат бета верзијата на официјалната верзија на Windows 10, но само платат за неа. Сопствениците на легалните копии на Windows 7, Windows 8 и Windows 8.1 ќе добијат бесплатна надградба на Windows 10, со тоа што сопствениците на Windows 8 ќе треба прво да го надградат оперативниот систем до 8.1. Ова отвори можност за многу корисници да купуваат легални копии на Windows 7 за да можат потоа да ги надоградат бесплатно во 10.

Но, за корисниците на пиратски верзии на Windows 7 и Windows 8, процедурата не е толку едноставна. Тие ќе можат да го надградат својот Windows во Windows 10, но верзијата ќе остане невалидна и по надградбата. Идејата на Microsoft е да им ја покаже Windows 10 верзијата на пиратите, пример преку тест период, и да се надева дека ќе им се допадне. Ако им се допадне, тие веќе ќе го имаат оперативниот систем, и се што ќе треба е преку едноставна форма да го активираат легално, односно да купат лиценца. Но, можноста за купување на валидна верзија на Windows 10 останува, а останува да видиме дали Microsoft откако ќе обезбеди легален канал за надградба на пиратската верзија ќе наметне некакви санкции заа пиратите.

Сите кои немаат валидна верзија за надградба, но и не сакаат да пиратираат ќе можат да ја користат Insider верзијата на оперативниот систем. Microsoft најави дека тест програмата ќе остане достапна и по финалната верзија на Windows 10, и иако оваа верзија ќе биде легална најмногу една година, но со можност за наградба на сите идни тест верзии. Вака Microsoft се надева дека ќе има подобар увид од повеќе корисници за баговите и безбедносните пропусти на тест верзиите, а корисниците ќе имаат бесплатен оперативен систем.

Windows 7 Starter, Windows 7 Home Basic, Windows 7 Premium и Windows 8.1 ќе бидат надградени на Windows 10 Home верзијата. Windows 7 Professional, Windows 7 Ultimate и Windows 8.1 Pro ќе бидат надградени на Windows 10 Pro верзијата. Windows Phone 8.1 ќе биде надграден на Windows 10 Mobile. Windows Enterprise и Windows RT не можат да се надградат на Windows 10, а истото важи и за Windows 10, кој претходно мора да биде надграден на Windows 8.1.

Microsoft ветува дека поддршката за сите уреди за Windows 10 ќе биде обезбедувана во векот на траење на уредите. Компанијата најави и дека нема да има нови верзии на оперативниот систем, односни Windows 10 ќе биде последната верзија на Windows, сите следни надградби ќе бидат правени помали, што значи дека сопствениците на Windows 10 ќе го имаат оперативен систем засекогаш.

Цената на Windows 10 Home е 119 долари, а на Windows 10 Pro 199 долари. Повеќе податоци за надградбите и верзиите на Windows 10 можете да прочитате на блогот на Microsoft.